Wednesday, June 27, 2012

በዓለ ማርያም ደብረሲና


እንቋዕ ናብ በዓለ እግዝእትነ ማርያም ኣብጽሓና።
በስመ አብ ወወልድ ወመንፈስ ቅዱስ አሃዱ አምላክ አሜን።
ታሪኽ ገዳም ደብረ ሲና
ገዳም ፣- ማለት ገደመ ፣ ዱር ጫካ በረኻ ኮነ ካብ ዝብል ናይ ግእዝ ግሢ (ቃል) ዝወፀ ናይ'ቲ ግሢ ዘርኢ እዩ። እምበአር ገዳም ጸጥታ (ጽምዋ) ዝበዝሖ ። ብብዙሕ ዝተፈላለዩ ዓበይትን ንአሽቱን ኣግራብ ዝተሸፈነን ዝወቀበን። ብዙሓት ዓበይትን ንአሽቱን አራዊትን (እንስሳ ዘገዳም) ዝተፈላለዩ አዕዋፍን ዝርከብዎ አብ ተፈላለዩ ናይ ዓለምና ቦታታት ዝርከብ እዩ።

Monday, June 25, 2012

ትሕትና (2)


በስመ አብ ወወልድ ወመንፈስ ቅዱስ አሃዱ አምላክ አሜን!
ትሕትና
ካብ ዝሓለፈ ዝቀጸለ 2 ክፋል
ንትሕትና ከነጥሪ ዝሕግዙና ቃላት፡

1. ሓዘን፡
ቅዱስ ኣባ ሙሴ ጸሊም፡  ከምዚ ይብሉ “ሓዘን፡ ንኹሉ እኩይ ነገር ይሰጉግ” ። ብተግባር ሓጥያትካ ኩሉ ግዜ ምስ ትሓዝን ትሕትና ትለማመዳ።

Thursday, June 21, 2012

ደወል (መጥቅዕ)


በስመ አብ ወወልድ ወመንፈስ ቅዱስ አሃዱ አምላክ አሜን!
ጾመ ሓዋርያት


ደወል (መጥቅዕ)

ኣብ  ቤተክርስቲያና  ዝርከቡ  ንዋያተ  ቅዱሳት  ነፍሲ  ወከፎም  ናይ  ገዛእርእሶም  ኣብነትን  ትርጉምን  ኣለዎም።  ኣብ ቤተክርስቲያን ኩሉ ካብታ ዝነኣሰት ስጋብ ዝዓበየት ኩሉ ዘምሓላልፎ መልእኽትን ትርጉምን ኣለዎ። በዚ ከኣ ሓደ ክርስቲያን ናብ ቤተመቅደስ ክኣቱ ከሎ ብዝርእዮ ኩሉ ነገራት፣ ነገረ እግዚአብሔር ብኣንቃዕድዎ ኅሊና ብንጹሕ ልቦና መንፈሳዊን ሰማያዊ ምሥጢርን ክሓስብ ይገብሮ።

Tuesday, June 19, 2012

ሊቀ መላእክት ቅዱስ ሚካኤል


በስመ አብ ወወልድ ወመንፈስ ቅዱስ አሃዱ አምላክ አሜን!

እንቋዕ ናብ ናይ ሊቀ መላእክት ቅዱስ ሚካኤል ዓመታዊ ክብረ በዓል ኣብጸሓና!
ምስባክ
ይትዐየን መልአከ እግዚአብሔር ዐውዶሙ ለእለ ይፈርህዎ ወያድኅኖም
ጣዕሙ ወታእምሩ ከመኄር እግዚ አብሔር። መዝ. 33 (34)7-8
ኤፊ.113-ፍጻሜ።  ይሁዳ.19-14 .ሓዋ.110-12 ማቴ. 2514-31


Wednesday, June 13, 2012

ትሕትና


በስመ አብ ወወልድ ወመንፈስ ቅዱስ አሃዱ አምላክ አሜን!
ትሕትና

ትሕትና ብመንጽር ብሂል አበው እንታይ ትመስል፤

ሓደ እዋን ሓደ ቅዱስ ኣቦ፡እታ ዝዓበየት ጸጋ እንታይ እያ፤ኢሎም ምስ ሓተትዎ፡ትዕቢት፡ ንብዙሓት መላእክት ካብ ሰማይ ስለዘውደቐቶም ካብተን ዝዓበያ ሓጢኣት ትቑጸር። ብኣንጻራ ድማ ሓቀኛ ትሕትና ዓባይ ውህበት ጸጋታት እግዚአብሔር ምዃና ንሰብ ካብ መዓሙቕ ሕስረት ናብቲ ዝለዓለ ሰማያዊ ክብሪ ክብ ተብሎ። ኣብ ቅዱስ ቃሉ፡ <<መንፈስ ድኻታት መንግስተ ሰማያት ናቶም እያ እሞ ብጹኣን እዮም>> (ማቴ 53) ከምዝተባህለ ዘይሓልፍ ሰማያዊ ኣኽሊል ዝወርሱ እዞም ትሑታት እዮም።

Monday, June 11, 2012

ቅዱስ ኣባ ኣርሳንዮስ (2)


በስመ አብ ወወልድ ወመንፈስ ቅዱስ አሃዱ አምላክ አሜን!!!
ብሂል አበው፡
ቅዱስ ኣባ ኣርሳንዮስ


8. ምስ እግዚኣብሔር ምንባር ይሕሸኒ።

ኣቦና ማርቆስ ንቅዱስ ኣርሳንዮስ፡ “ኣቦና ንምንታይ ኢኹም ምሳና ክትኮኑ ዘይትደልዩ፤” ቅዱስ ኣርሳንዮስ፡ “ኣምላኽ ይፈልጥ ከም ዘፍቕረኩም፡ ግና ኣብ ሓደ ግዜ ምስ ኣምላኽን ሰብን ክኸውን ስለዘይከኣል እዩ። እልፊ ኣእላፍ ሰማያዊ ሰራዊትን ሰማያዊ ጽፍሕን ብሓደ ፍቓድ እዩ ዝነብር፡ ሰብ ግና ብዙሕ እዩ ድልየታቱ። በዚ እየ ኣምላኸ ገዲፈ ምስ ሰባት ክኸውን ዘይደሊ።”

9. ድቃስ ከም ዘይጠቅም።

ቅዱስ ኣባ ኣርሳንዮስ ከምዚ ይብሉ ነበሩ “ሓደ ዝጋደል መነኰሰ ሓንቲ ሰዓት ንድቃስ ትኣኽሎ እያ”።

Saturday, June 9, 2012

በቂዔ እየ ዝበሃል መዓስ እዩ፤


በስመ አብ ወወልድ ወመንፈስ ቅዱስ አሃዱ አምላክ አሜን!

ጾመ ሓዋርያት

በቂዔ  እየ ዝበሃል መዓስ እዩ፤


ኣብ ሓደ ገዳም ዝነብሩ መንኰሰ ኣቦ እዮም። ምስቲ ናይቲ ገዳም አበምኔት ብዛዕባ መንፈሳዊ ህይወቶም እንዳዕለሉ ከለዉ ነቶም አበምኔት ከምዚ በልዎም << ኣቦና ኣነ ሎሚ ናይ ዓለም ሓጢኣትን ግፍዕን በደልን ርእየ። ስለዚ ዝበቃዕኹ ኮይነ እየ ማለት እዩ።>> እቶም አበምኔት'ውን  << ዝወደይ እስከ በርቲዕካ ጸልይ ገና ኢኻ።>> ብምባል መለሱሉ።

Tuesday, June 5, 2012

ቅድስት ሰሎሜ


በስመ ኣብ ወወልድ ወመንፈስ ቅዱስ ኣሃዱ ኣምላክ ኣሜን!!!

ቅድስት ሰሎሜ

ስንክሳር ግንቦት 25

ኣብዛ ቅድስት ዕለት ናይ ኣዴና ቅድስተ ቅዱሳን ድንግል ማርያም ጋል ሓትነ ዝኾነት ቅድስት ሰሎሜ ዝዓረፈትሉ ዕለት እዩ።

እሳ ከኣ ጓል ማጣት፣ ጓል ሌዊ፣ ጓል ሚልኪ ፣ ጓል ካህን ኣሮን እያ። ንማጣት ሰለስተ ኣዋልድ ነበራኦ።
 ንሳተን ከኣ እታ ዝዓበየት ማርያም፡ ብድሕሪኣ ከኣ ሶፍያ እታ ሳልሰይቲ ከኣ ሃና ይበሃላ። ማርያም ቦኽሪ ንሰሎሜ ወለደት፡ ሶፍያ ንኤልሳቤጥ፡ ሃና ከኣ ንኣዴና ቅድስት ድንግል ማርያም እመ ብርሃን ወለደት ።

Monday, June 4, 2012

ቅዱስ ኣባ ኣርሳንዮስ



በስመ አብ ወወልድ ወመንፈስ ቅዱስ አሃዱ አምላክ አሜን!!!
ብሂል አበው፡
ቅዱስ ኣባ ኣርሳንዮስ

ታሪኽ ህይወት ቅዱስ ኣባ ኣርሳንዮስ፡

ቅዱስ ኣባ ኣርሳንዮስ ካብ ዓበይቲ ፍላስፋታት ዓባይ ሮማ ዝነበረ እዩ። ወላዲ ቅዱስ ኣባ ኣርሳንዮስ ካብቶም ንጉስ ሮማ ኣብሊጹ ዝፈትዎም ሓለፍቲ እዩ ዝነበረ። ንጉስ ታውደሰዮስ፡ ንደቁ ዝምህረሉ ቋንቋ ላቲንን ግሪኽን ዝመልኽ ብጥበቡ ዝተመስከረሉ፡ ፈሪሃ እግዚኣብሔር ዘለዎ ፍላስፋ ይደሊ ነበረ። ኣብ መላእ ዓባይ ሮማ ድማ ከም ቅዱስ ኣባ ኣርሳንዮስ ክርከብ ኣይከኣለን። ጸጋ እግዚኣብሔር ኣብ ልዕሊ ቅዱስ ኣባ ኣርሳንዮስ ስለዝነበረ፡ ንጉስ ፈተዎ። ኣብ ምሉእ ንግስነት ንቅዱስ ኣባ ኣርሳንዮስ ብጀካ ዝኽብሮ ዝቃወሞ ኣይነበረን። ብዙሓት ዝእዘዙዎ ገላው’ውን ነበሩዎ።

Saturday, June 2, 2012

ጾመ ሓዋርያት


በስመ አብ ወወልድ ወመንፈስ ቅዱስ አሃዱ አምላክ አሜን!
በዓለ ጰራቅሊጦስ
መንፈስ ቅዱስ ወረደ ላዕለ ሓዋርያት ተመሲሎ በነደ እሳት
ምስባክ
ዐርገ ውስተ ዓርያም ፄዊወከ ፄዋ
ወወሀብከ ጸጋከ ለእጓለ እምሕያው
እስመ ይክህዱ ከመ ይኅድሩ
መዝ.67፣18 (68፣18)
ወንጌል ዮሓ.141-22 ..21-14 ኤፌ.41-17 1ይዮሓ.21-18
ቅዳሴ ዘዲዮስቆሮስ

ጾመ ሓዋርያት
ብሩኽ ምጅማር ጾም ይግበረልና!

ካብ 27 ግንቦት ሰኑይ ጀሚሩ ክሣብ 5ሓምለ ይፍጸም
Apostles Fast – Monday, JUNE-4 -JULY 12

ጾመ ሓዋርያት
ጾም መንፈሳዊ በረከት ዘውህብ ክርስቲያናዊ ተግባር እዩ። መጽሓፍ ቅዱስ ከም ዘረድኣና ጾም ማለት ንዝተወሰነ እዋን ወይ ግዜ ካብ መግብን መስተን ተፈሊኻ መንፈሳዊ ተግባራት ምፍጻም ማለት እዩ። ኢሳ.416 ጾም ማለት ካብ ጥሉላት መግብን ካብ ዘስክር መስተን ምኽልካል ከምዝኾነ የምህረና። ዳኒ.102-3